ទីក្រុង MANCHESTER​ ប្រទេសអង់គ្លេស (AP) - City គឺជាក្រុមដំបូងគេដែលគ្រងតំណែងជើងឯកលីគកំពូលរបស់អង់គ្លេសរយៈពេលបួនឆ្នាំជាប់ៗគ្នា បន្ទាប់ពីក្រុមលេខ ២ Arsenal បានយកឈ្នះលើ Everton ២-១ ។

គ្រាប់​បាល់​ពីរ​​គ្រាប់របស់ កីឡាករ Phil Foden ក្នុង​តង់​ទី​មួយ​បាន​ជួយ​ឲ្យ​ក្រុម​របស់​លោក Pep Guardiola ឈាន​ទៅ​ដល់ការលើកពាន​រង្វាន់​ចុង​ក្រោយ​បំផុតរបស់​ខ្លួន។ កីឡាករ Mohammed Kudus បានរកមួយគ្រាប់មកវិញ ដោយការតែតបញ្ចូលទីសម្រាប់ក្រុម West Ham ក៏ប៉ុន្តែ Rodri បានជួយសង្រ្គោះក្រុម Man City ខណៈដែលក្រុមនេះបានក្លាយជាម្ចាស់ជើងឯកលើកទី៦ ក្នុងរដូវកាលទី៧។

គ្រូបង្វឹកលោក Guardiola របស់ក្រុម​ Man City ត្រូវការជ័យជំនះលើក្រុម West Ham នៅកីឡដ្ឋាន Etihad ដោយនាំមុខ២ពិន្ទុដើម្បីឈរលើកំពូលតារាង។ កីឡាករ Foden បានជួយអោយអ្នកគាំទ្រ ម្ចាស់ផ្ទះរីករាយជាមួយការស៊ុតបញ្ចូលទីត្រឹមនាទីទី២។

បន្ទាប់ពីទទួលបានបាល់ពីកីឡាករ Bernardo Silva ខ្សែ​បម្រើ​ Foden បានស៊ុតជើងឆ្វេងចេញពី ក្រៅប្រអប់គ្រោះថ្នាក់ដោយបានទម្លុះសំណាញ់ទីបានសម្រេចនៅក្រោមវិនាទីទី៨០។

បន្ទាប់ពីទទួលបានបាល់ពីកីឡាករ Jeremy Doku កីឡាករ Foden បានបន្ថែមគ្រាប់បាល់ជា លើកទីពីររបស់ខ្លួននៅនាទីទី១៨ ។​ ហើយ Kudus របស់ក្រុម ​West Ham បានបង្កើត ឪកាសឱ្យក្រុមរបស់ខ្លួន ដោយតាមពីក្រោយនៅនាទីទី៤២ជាមួយនឹងការតែតបញ្ចូលទីបានសម្រេច ដែលអាចធ្វើអោយក្រុម Arsenal មានក្តីសង្ឃឹមឡើងវិញ។

ចូលដល់តង់ទី២ អ្នកចាំទី Alphonse Areola​ របស់ក្រុម West Ham មិនអាចសង្គ្រោះបាល់បាន ដែលធ្វើឱ្យក្រុម Man City​ រកគ្រាប់បាល់ជាថ្មីម្តងទៀតដោយកីឡាករ Rodri។

Man City បានបញ្ចប់រដូវកាលរបស់ខ្លួនដោយរកបាន ៩១ពិន្ទុ - ច្រើនជាង Arsenal ២ពិន្ទុ។

ប្រែសម្រួលជាខេមភាសាដោយ ម៉ី​ សេងហួរ