ប្រែសម្រួលជាខេមរភាសាដោយ សេង ម៉េងហេង

ភ្ញៀវទេសចរបរទេសជិត ៥១.០០០ នាក់ បានទៅទស្សនារមណីយដ្ឋានអង្គរក្នុងខែឧសភា ដោយកើនឡើង ១១ ភាគរយ ប្រៀបធៀបទៅនឹងខែឧសភា ឆ្នាំ ២០២៣ ជាមួយនឹងប្រាក់ចំណូលពីសំបុត្រកើនឡើង ១២.៥ ភាគរយដល់ ២.២៨ លានដុល្លារ។

យោងតាមតួលេខរបស់ គ្រឹះស្ថានអង្គរ ដែលគ្រប់គ្រងការលក់សំបុត្រចូលទស្សនារមណីយដ្ឋានអង្គរ ក្នុងរយៈពេលប្រាំខែដំបូងនៃឆ្នាំ២០២៤ ចំនួនភ្ញៀវទេសចរបរទេសមកទស្សនារមណីយដ្ឋានមានចំនួនជិត ៤៧២,៣០០ នាក់។

នេះបង្ហាញពីការកើនឡើង ៣៧ ភាគរយបើធៀបនឹងរយៈពេលដូចគ្នាក្នុងឆ្នាំ ២០២៣។ ប្រាក់ចំណូលពីការលក់សំបុត្រសម្រាប់រយៈពេលប្រាំខែដំបូងនៃឆ្នាំ ២០២៤ ឈានដល់ ២២.២ លានដុល្លារ កើនឡើង ៣៨ ភាគរយបើធៀបនឹងរយៈពេលដូចគ្នាក្នុងឆ្នាំ ២០២៣ ។

តួ​លេខ​បង្ហាញ​ថា វិស័យ​ទេសចរណ៍​របស់​កម្ពុជា​កំពុង​ងើប​ឡើង​វិញ​ពី​ជំងឺ​រាតត្បាត​កូវីដ-១៩។ បន្ថែមពីលើនេះ ប្រាក់ចំណូលសរុបបានមកពីការលក់សំបុត្រចូលទស្សនាប្រាសាទកោះកេរ្តិ៍សម្រាប់រយៈពេលប្រាំខែដំបូងក្នុងឆ្នាំ ២០២៤ មានចំនួន ១៥១,៩០៥ ដុល្លារសម្រាប់ភ្ញៀវចំនួន ១០,១២៧ នាក់។

ប្រាក់ចំណូលពីការលក់សំបុត្រទូកក្នុងខែឧសភា ឆ្នាំ ២០២៤ មានចំនួន ៣៨,៧៤៦ ដុល្លារ ហើយរយៈពេលប្រាំខែសរុបទទួលបានប្រាក់ចំណូលចំនួន ៤០០,៣០២ ដុល្លារ។