សាន់ហ្វ្រាន់ស៊ីស្កូ (AP) — ក្រុមហ៊ុននេះបាននិយាយលើគេហទំព័ររបស់ខ្លួននៅថ្ងៃអាទិត្យថា ការបញ្ចូលទុនជុំទី B នេះនឹងត្រូវបានប្រើដើម្បីនាំផលិតផលដំបូងរបស់ xAI ចូលទៅក្នុងទីផ្សារ និងពន្លឿនការស្រាវជ្រាវ។ xAI បាននិយាយថា ខ្លួនបានដល់កម្រិតដ៏សំខាន់ក្នុងរយៈពេលមួយឆ្នាំចុងក្រោយក្នុងការអភិវឌ្ឍបច្ចេកវិទ្យានេះ ហើយនឹងបន្តក្នុងខែខាងមុខនេះ។

វិនិយោគិនក្នុងការបញ្ចូលទុនជុំចុងក្រោយរួមមាន Andreessen Horowitz, Sequoia Capital, Fidelity Management & Research, Valor Equity Partners, Vy Capital, ស្ដេចសៅឌីអារ៉ាប៊ី ព្រះអង្គម្ចាស់ Alwaleed Bin Talal និង Kingdom Holding។

លោក Musk បានសរសេរលើគេហទំព័រសង្គម X ថា មុនការវិនិយោគនេះ xAI មានការវាយតម្លៃដល់ទៅ១៨ ពាន់លានដុល្លារ។

ការបញ្ចូលទុននេះគួរតែជួយក្រុមហ៊ុនរបស់លោក Musk ប្រកួតប្រជែងក្នុងការអភិវឌ្ឍបច្ចេកវិទ្យាបញ្ញាសិប្បនិម្មិត ជាមួយនឹងក្រុមហ៊ុន Microsoft និង Open AI ដែលបានបង្កើត Chat GPT។

លោក Musk បានប្រកាសបង្កើតក្រុមហ៊ុននេះនៅខែកក្កដាឆ្នាំមុន ហើយបានដាក់បញ្ចេញ chatbot បញ្ញាសិប្បនិម្មិតរបស់ខ្លួនដែលមានឈ្មោះ Grok នៅក្នុងខែវិច្ឆិកា។